Home / ສາລະໜ້າຮູ້ / 10 ຄວາມເຊື່ອກ່ຽວກັບເລື່ອງໂມງ

10 ຄວາມເຊື່ອກ່ຽວກັບເລື່ອງໂມງ

ໃຜ​ຈະ​ຮູ້​ດ້ວຍ​ວ່າ​ນອກ​ຈາກ​ ໂມງ จະ​ມີ​ຫນ້າທີ່​ບອກ​ເວລາ​ແລ້ວ​ ໂມງ​ ຢັງ​ຈັດ​ໄດ້​ວ່າ​ເປັນ​ວັດຖຸສິລິມຸງຄຸນ​ ແລະ ​ເປັນ​ສັນຍາລັກ​ແຫ່ງ​ໂຊກ​ລາກຢ່າງຫຼວງຫຼາຍ ດ້ວຍ​ເຊັ່ນ​ກັນ​ ແລະ ​ນີ້ກໍ​ຄື​ 10 ຄວາມ​ເຊື່ອ​ກ່ຽວກັບ​ ໂມງ​ ທີ່​ເຈົ້າ​ຄວນ​ໄດ້​ຮູ້​ ຈະ​ມີ​ຫຍັງ​ດ້ວຍ​ນັ້ນ​ ເຮົາ​ລອງ​ໄປ​ເບິ່ງ​ກັນ​

ໂມງ

ສຳລັບ​ ໂມງ​ ຖື​ວ່າ​ເປັນ​ເຄື່ອງ​ປະ​ດັບ​ ແລະ ​ເປັນ​ຂອງ​ໃຊ້​ທີ່​ສຳຄັນ​ສິ່ງ​ໜຶ່ງ​ໃນ​ການ​ໃຊ້​ຊີວິດ​ ເພາະ​ມັນ​ເຮັດ​ຫນ້າທີ່​ເປັນ​ເຄື່ອງ​ບົ່ງ​ບອກ​ເວລາ​ໃຫ້​ເຮົາ​ໄດ້​ຮູ້​ວ່າ​ເຮົາ​ຄວນ​ເຮັດ​ຫຍັງ​ ເວລາ​ໃດ​ ນອກ​ຈາກ​ນີ້​ມັນ​ຢັງ​ເຮັດ​ຫນ້າທີ່​ເປັນ​ເຄື່ອງ​ປະ​ດັບ​ບົ່ງ​ບອກ​ໝາຫໄຂ່ຫຼັງ ​ແລະ​ ສະເຕຕັສຂອງຜູ້ທີ່ໃສ່ໂມງ​ ແລະ ​ນີ້​ກໍ່ຄື​ 10 ຄວາມ​ເຊື່ອ​ກ່ຽວກັບ​ ໂມງ​.

1.ຕຳແໜ່ງ​ທີ່​ແຂວນ​ໂມງ​: ຕຳແໜ່ງ​ໃນ​ການ​ແຂວນ​ ໂມງ​ ບາງ​ຄົນ​ອາດ​ບໍ່​ໃຫ້​ຄວາມ​ສຳຄັນ​ພໍປານໃດ​ ຢາກ​ຈະ​ແຂວນໄວ້​ບ່ອນໃດ​ກໍ​ຕາມ​ແຕ່​ຄວາມ​ພຶງ​ພໍ​ໃຈ​ ໂດຍ​ທ່ານຮູ້​ບໍ່​ວ່າ​ມັນ​ອາດ​ສົ່ງ​ຜົນ​ຕໍ່​ຊີວິດ​ຂອງ​ເຈົ້າ​ໄດ້​ຢ່າງ​ບໍ່​ຄາດ​ຝັນ​ ບູຮານ​ເຊື່ອ​ວ່າ​ການ​ແຂວນ​ ໂມງ​ ຕ້ອງ​ບໍ່​ແຂວນໄວ້​ກົງ​ກັນ​ຂ້າມ​ກັບ​ປະຕູ​ເຮືອນ​ພໍ​ດີ​ ເພາະ​ມັນ​ຈະ​ເປັນ​ສິ່ງ​ທຳອິດ​ທີ່​ເຮົາ​ໄດ້​ເຫັນ​ເວລາ​ເຂົ້າ​ເຮືອນ​ ເຊື່ອ​ກັນ​ວ່າ​ເປັນ​ການ​ເລັ່ງ​ມື້​ເລັ່ງ​ຄືນ​ໃຫ້​ຄົົນທີ່​ຍ່າງ​ເຂົ້າ​ບ້ານ​ນີ້​ (ໂດຍ​ສະເພາະ​ຕົວ​ເຈົ້າ​ຂອງ​ເຮືອນ​) ໝົດ​ອາ​ຍຸສັງຂານແບບໄວໆ.

2 ບໍ່​ຄວນປ່ອຍ​ໃຫ້​ໂມງ​ຕາຍ:​ ຄວາມ​ເຊື່ອ​ນີ້​ເຊື່ອ​ກັນ​ຫຼາຍ​ໃນ​ໝູ່​ຊາວ​ຈີນ​ ໂດຍ​ເຊື່ອບໍ່​ວ່າ​ການ​ຍ່າງ​ຂອງ​ ໂມງ​ເປັນ​ສັນຍະລັກ​ແຫ່ງ​ອາຍຸສັງຂານ ເປັນ​ຄວາມ​ກ້າວ​ໜ້າ​ ຄວາມ​ຮາບລື່ນ​ ແລະ ​ການ​ໝູນວຽນ​ຂອງ​ພະລັງ​ງານ​ທີ່​ດີ​ ເມື່ອ​ໂມງ​ຕາຍ​ ໂຊກ​ລາບ​ ພະລັງ​ແຫ່ງ​ຄວາມ​ກ້າວ​ຫນ້າທີ່​ມາ​ກັບ​ ໂມງ​ ກໍ​ຈະພ້ອມ​ຕາຍ​ໄປ​ນຳກັນ.

ໂມງ​ປະ​ເພດ​ທີ່​ຍ່າງ​ຍາວ​ນານ​ທີ່ສຸດ​ກໍ​ຄື​ ໂມງ 400 ​ມື້​ຕັ້ງ​ໂຕະ​ທີ່​ມີ​ຄອບ​ແກ້ວ​ ໂດຍ​ໄຂ​ລານ​ພຽງ​ເທື່ອ​ດຽວ​ ແຕ່​ຍັງມີ​ໂມງ​ທີ່​ຍ່າງ​ດົນ​ທີ່ສຸດ​ທີ່​ນັກ​ສະ​ສົມ​ໂມງ​ມັກ​ບອກ​ວ່າ​ຍ່າງ​ກັນ​ຊັ່ວ​ຊີວິດ​ ຄື​ ໂມງ​ Almos ເປັນ​ໂມງ​ທີ່​ຍ່າງ​ດ້ວຍ​ຄວາມ​ກົດ​ອາ​ກາດ​ຫລື​ອຸນຫະພູມ​ ໂດຍ​ໃຊ້​ຫຼັກ​ການ​ໃນ​ທຸກ​ ໆ​ 4 ນາ​ທີ​ ອຸນຫະພູມ​ຂອງ​ອາ​ກາດ​ຈະ​ປ່ຽນ​ຂຶ້ນ​ລົງ​ຕະຫລອດ​ເວລາ​.

3. ໂມງ​ຮູບ​ 8 ​ຫຼ່ຽມ​ (ໂປ໊ຍ​ກ່ວຍ​): ໃນ​ປະເທດ​ຈີນ​ບ້ານ​ທີ່​ຕັ້ງ​ຢູ່ໃນ​ຮວງ​ຈຸ້ຍ​ບໍ່​ດີ​ ເຊັ່ນ:​ ເທິງ​ທາງ​ 3 ແພ່ງ​ ຫຼື ​ມີ​ທາງ​ຕັດ​ເຂົ້າ​ມາ​ເຖິງ​ໜ້າ​ບ້ານ​ ຈະ​ແຂວນ​ ໂມງ​ ຮູບ​ 8 ຫຼ່ຽມ​ທີ່ເອີ້ນວ່າ​:ໂມງ​ໂປ໊ຍ​ກ່ວຍ​ໄວ້​ ເພື່ອ​ໃຊ້​ແກ້​ອາຖັນ ໂມງ​ ຊະນິດ​ນີ້​ປຽບສະເໝືອນຍັນ 8 ​ທິດ​ ແລະ​ ມີ​ພະລັງ​ງານຢິງຢາງ​ແຝງ​ຢູ່ໃນ​ຕົວຢ່າງສົມບູນ​ ສາມາດ​ຂັບ​ໄລ່​ຜີ​ທຸກ​ເວີ​ຊັ່ນ​ບໍ່​ໃຫ້​ເຂົ້າ​ມາ​ເປັນ​ແຂກ​ກິດ​ຕິມ​ມາສັກ​ໃນ​ເຮືອນ ຊາວ​ຈີນ​ເຊື່ອ​ວ່າ​ໃນ​ເຮືອນ​ຄວນ​ມີ​ໂມງ​ຊົງ​ກົມ​ຢ່າງ​ໜ້ອຍ 1 ​ອັນ​ ເພາະ​ຊົງ​ກົມ​ຂອງ​ມັນ​ຄ້າຍ​ກັບ​ຫຼຽນເງີນ​ ເຈົ້າ​ຂອງ​ເຮືອນ​ຈະ​ໄດ້​ມີ​ເງີນ​ທອງ​ ທັງ​ຫຼາຍ​ຈິງ​ຫຼາຍຟູ​ໄຫຼ​ເຂົ້າ​ເຮືອນແບບບໍ່​ຂາດ​ສາຍ​

4. ໂມງ​ຊິກ​ໂຊ່:​ ໂມງ​ຕັ້ງ​ພື້ນ​ທີ່​ນິຍົມ​ນຳ​ມາ​ມອບ​ເປັນ​ຂອງ​ຂວັນ​ທີ່​ລະລຶກເຖິງມື້​ເປີດ​ຮ້ານ​ຫຼື ເລີ່ມ​ຕົ້ນ​ກິດຈະການ​ຫຍັງ​ໃໝ່​ໆ​ ຊຶ່ງ​ກະ​ຈົກ​ທາງດ້ານ​ຫນ້າທີ່​ມີ​ຂໍ້ຄວາມ​ຂຽນ​ຄຳ​ອວຍ​ພອນ​ເປັນ​ພາສາ​ຈີນ​ທີ່​ລ້ວນ​ແຕ່​ເປັນ​ຄຳ​​ມຸງຄຸນກ່ຽວກັບ​ໂຊກ​ລາກ​ ຄວາມ​ຈະເລີນ​ຮຸ່ງ​ເຮືອງ​ ຮ້ອຍ​ລະ​ເກົ້າ​ສິບ​ຂອງ​ ໂມງ​ ປະ​ເພດ​ນີ້​ຈະ​ມີ​ຄຳ​ອວຍ​ພອນ​ທັງ​ນັ້ນ​ ນັກ​ສະ​ສົມ​ບາງ​ຄົນ​ມັກ​ເກັບ​ສະ​ສົມ​ຄຳ​ອວຍ​ພອນ​ໄວ້​ຊຶ່ງ​ເປັນ​ຄວາມຫມາຍ​ທີ່​ດີ​

5. ສຽງ​ຕີ​ຂອງ​ໂມງ​: ເປັນ​ສັນຍະລັກ​ແຫ່ງ​ກຽດຕິຍົດ​ ຊື່​ສຽງ​ ຄວາມ​ຍິ່ງໃຫຍ່​ ແລະ​ ຊ່ວຍ​ກ່ອມຈິດ​ໃຈ​ເຈົ້າ​ຂອງ​ເຮືອນໃຫ້ຮົ່ມເຢັນ​ເປັນ​ສຸກ​  ໂມງ​ ທີ່​ເອົາ​ແຕ່​ບອກ​ເວລາ​ແຕ່​ບໍ່​ຕີ​ຈຶ່ງ​ຖື​ວ່າ​ບໍ່​ແມ່ນ​ໂມງ​ທີ່​ດີ​ ຖ້າ​ເອົາ​ເຂົ້າ​ມາ​ແຂວນ​ຄົນ​ໃນ​ເຮືອນ​ນັ້ນ​ຈະ​ມີ​ແຕ່​ຄວາມ​ຮີບຮ້ອນ​ ຕ້ອງ​ເຮັດວຽກ​ໜັກ​ແບບເອົາເປັນເອົາຕາຍ​ ຈົນ​ບໍ່​ມີ​ເວລາ​ພັກ​ຜ່ອນ​ແລະ​ຈິດ​ໃຈ​ກໍ​ຫາ​ຄວາມ​ສຸກ​ບໍ່​ໄດ້.


6. ໜ້າປັດ​ໂມງ​ສະ​ທ້ອນ​ຕົວ​ຕົນ​ຂອງ​ຄົນ​ໃສ່​: ຄົົນທີ່​ເຊື່ອ​ເລື່ອງ​ ໂມງ​ ຈຶ່ງ​ນິຍົມ​ໃສ່​ໂມງ​ໜ້າ​ປັດ​ໃຫຍ່​ໆ​ ເພື່ອ​ເພີ່ມ​ສິລິມຸງຄຸນ​ໃຫ້​ຕົວ​ເອງ​ເບິ່ງ​ມີພູ​ຖານ​ ຊີວິດ​ອຸດົມ​ສົມບູນ​ ເຮັດ​ມາ​ຄ້າຂາຍ​ຂຶ້ນ​ ແລະ​ ຈະ​ເນັ້ນ​ໜ້າ​ປັດ​ທີ່​ເປັນ​ກະ​ເບື້ອງ​ ເພາະ​ກະ​ເບື້ອງ​ມີ​ຄວາມ​ເງົາ​ງາມ​ເປັນ​ມັນ​ສົດ​ໃສ​ບໍ່​ມົວໝອງ​ງ່າຍໆ​ ແມ່ນ​ຈະ​ເກົ່າ​ປານ​ໃດ​ກໍ​ຕາມ​ ໂຊກ​ຊະ​ຕາ​ຂອງ​ຄົນ​ໃສ່​ຈະ​ໄດ້​ສົດ​ໃສ​ບໍ່​ມີ​ມື້​ເສື່ອມ​ໄປ​ນຳ.​

7. ເສີມ​ລາສີ​ປະຈຳ​ວັນ​ເກີດ:​ ສີ​ປະຈຳ​ວັນ​ເກີດ​ໜ້າ​ຈະ​ເປັນ​ສີ​ທີ່​ສົ່ງ​ຜົນ​ຕໍ່​ຄວາມ​ສຸກ​ຄວາມ​ຈະເລີນ​ ປະຈໍາ​ລາ​ສີ​ເກີດ​ຂອງ​ຄົນ​ນັ້ນ​ ໜ້າ​ປັດ​ຂອງ​ ໂມງ​ ທີ່​ມີ​ສີ​ຕ່າງ​ໆ​ ກໍ​ຄວນ​ຈະ​ເລືອກ​ຕາມ​ສີ​ມື້​ເກີດ ​ຫຼື ລາສີເກີດ​ຂອງ​ຕົວເອງ​ ເພື່ອ​ຊ່ວຍ​ເສີມ​ພະລັງ​ຊີວິດ​ໃຫ້​ຈະເລີນ​ກ້າວ​ໜ້າ​.

8. ຫົວໂຂນ​ຂອງ​ໂມງ:​ ຄົນ​ຈີນ​ສັ່ງ​ສອນ​ກັນ​ມາ​ຕັ້ງ​ແຕ່​ສະໄໝ​ປູ່​ຢ່າ​ວ່າ​ ໂມງ​ ທີ່​ມີ​ຮູບ​ມ້າ​ ແລະ​ນົ ກ​ອິນຊີ​ຢູ່​ດ້ານ​ເທິງ​ສຸດ​ ຖື​ວ່າ​ເປັນ​ໂມງ​ຊູ​ເປີ​​ເຮັງ​ ເຮັງ​ຈິງ​ ເຮັງ​ຈັງ​ ຄວນ​ມີ​ໄວ້​ເປັນ​ເຄື່ອງ​ລາງປະຈຳ​ເຮືອນ​ ເພາະ​ມ້າ​ເປັນ​ສັນຍະລັກ​ແຫ່ງ​ຄວາມ​ໂຊກດີ ​ແລະ ​ຄວາມ​ສົມ​ຫວັງ​ ເຈົ້າ​ຂອງ​ເຮືອນຈະ​ເຮັດ​ຫຍັງ​ກໍຈະ​ສຳ​ເລັດ​ໄດ້​ຜົນ​ດີີ​ໄປໝົດ​ທຸກ​ຢ່າງ​ ແຕ່​ມີ​ເງື່ອນໄຂ​ວ່າ​ຕ້ອງ​ເປັນ​ມ້າ​​ ສີ​ຟ້າ​ ແລະ​ ສີ​ນ້ຳ​ຕານ​ເທົ່າ​ນັ້ນ​ ສ່ວນ​ມ້າ​ສີ​ດຳ​ເປັນ​ມ້າ​ແຫ່ງ​ຄວາມ​ຕາຍ​ລູກ​ຫຼານ​ຄົນ​ໃດ​​ອຸ້ມ​ເຂົ້າ​ເຮືອນ​ມີ​ຫວັງ​ຖືກ​ດ່າຈັນ​ຫູ​ຊາແທ້.​

ສຳລັບ​ນົກ​ອິນທີ​ນັ້ນ​ເປັນ​ສັນຍະລັກ​ຂອງ​ຄວາມ​ສ​ະຫງ່າງາມ​ ວາດ​ສະໜາ​ອັນ​ສູງ​ສົ່ງ​ ການ​ເລີ່ມ​ຕົ້ນ​ທີ່​ດີ ​ແລະ ​ຄວາມຈະເລີນ​ຮຸ່ງ​ເຮືອງ​ ຢິ່ງ​ຖ້ານົກໂຕ​ນັ້ນ​ເຮັດ​ທ່າ​ເບິນຮ່ອນ​ເໝືອນ​ຈະ​ບິນ​ກໍ​ຢິ່ງ​ເປັນ​ອ​ະພິ​ຊາດ​ນົກ​ ເໝາະ​ຈະ​ຕັ້ງ​ໄວ້​ໃນ​ຫ້ອງ​ຮັບ​ແຂກ​ໃຫ້ເປັນ​ສິ​ລິມຸງຄຸນໃຫ້​ກັບ​ຄອບຄົວ​ ເພາະ​ວ່ານົກ​ໂຕ​ນີ້​ຈະ​ເອີ້ນ​ເງີນ​ທອງ​ໂຊກ​ລາກ ​ແລະ ຄວາມ​ຈະເລີນ​ຮຸ່ງ​ເຮືອງ​ມາ​ໃຫ້ແກ່​ວົງ​ຕະກູນ​ ໂມງ​ທີ່​ມີ​ຮູບ​ສິງ​ໃຫຍ່​ຢູ່​ດ້ານ​ເທິງ​ເປັນ​ຂອງ​ມົງ​ຄຸນອິດທິພົນ​ອີກ​ຢ່າງ​ໜຶ່ງ​ຂອງ​ຊາວ​ຈີນ​ ເຊື່ອ​ວ່າ​ມີ​ແລ້ວ​ລູກ​ຊາຍ​ບ້ານ​ນັ້ນ​ຈະ​ຈະເລີນ​ກ້າວ​ໜ້າ​ ມີ​ຄວາມ​ເຂັ້ມແຂງ ​ແລະ​ໄດ້​ເປັນ​ຜູ້​ນຳ ​ຫຼື ​ເປັນ​ເຈົ້າ​ຄົນ​ນາຍ​ຄົນ​ ເໝືອນ​ສິງ​ໃຫຍ່​ເຈົ້າ​ປ່າ​ແບບໃດແບບນັ້ນ.

9 ໜ້າ​ປັດ​ໂມງ​ທີ່​ດີ​ ຄວນ​ເຮັດ​ຈາກ​ກະ​ຈົກ​ທີ່​ເຈຍລະໄນ​ຫຼ່ຽມ​ມຸມ​ໃຫ້​ສະ​ທ້ອນ​ແສງ​ໄດ້​ຄ້າຍ​ເພັດ​ ກະ​ຈົກ​ແບບ​ນີ້​ຈະ​ສະ​ທ້ອນ​ພະລັງ​ງານ​ດີ​ໆ​ ໄປ​ທົ່ວເຮືອນ​ ຊ່ວຍ​ໃຫ້​ຄົົນທີ່​ອາໄສ​ມີ​ແຕ່​ຄວາມ​ສຸກ​ ປອດໂປ່ງໃຈ​ ຖານະ​ການ​ເງີນ​ກໍໝັ້ນຄົງ​ບໍ່​ຕ້ອງ​ແລ່ນໜີ​ເຈົ້າ​ໜີ້​.

10.ພະ​ຈັນ​ຢິ້ມ.​ ເຊື່ອ​ວ່າ​ພະ​ອາທິດ​-ພະ​ຈັນ​ ເປັນ​ຕັວ​ແທນ​ແຫ່ງ​ພະລັງ​ຢິນ​-ຢາງ​ ໝຸນ​ວຽນ​ສະ​ລັບ​ສັບ​ປ່ຽນ​ກັນ​ ຖື​ວ່າ​ເປັນ​ມຸງຄຸນຫຼາຍ​ ເຕັມ​ໄປ​ດ້ວຍ​ພະລັງ​ແຫ່ງ​ຄວາມ​ກະຕືລືລົ້ນ​ ບໍ່​ເສີຍ​ຊາ​ ພະ​ຈັນ​ເປັນ​ສັນຍະລັກ​ແຫ່ງ​ຄວາມຮົ່ມ​ເຢັນ​ຈິດ​ໃຈ​ທີ່​ອ່ອນ​ໂຍນ​ ແລະ​ ຈະ​ນຳ​ເລື່ອງ​ຄວາມ​ຮັກ​ຄວາມ​ເມດຕາ​ມາສູ່​ທ່ານ​ດ້ວຍ​ ໂມງ​ ພະ​ຈັນ​ຢິ້ມ​ເຖິງ​ແພງ ​ແລະ​ ຫາ​ຍາກ​ ກໍ​ເພາະ​ເປັນ​ແບບ​ນີ້​ນີ້​ເອງ​

ແລະ​ນີ້​ກໍ​ຄື​10 ລັກສະນະ​ໂມງ​ທີ່​ເປັນ​ມຸງຄຸນ ໂດຍ​ທີ່ກ່າວ​ມາ​ນີ້​ ເປັນ​ຄວາມ​ເຊື່ອ​ສ່ວນໜື່ງທີ່​ຢຶດ​ຖື​ກັນ​ມາ​ແຕ່​ເທື່ອ​ບູຮານ​ ຊຶ່ງ​ກໍ​ບໍ່​ແມ່ນ​ເລື່ອງ​ຫຍຸ້ງ​ຍາກ​ວຸ້ນວາຍ​ຫຍັງ​ຫຼາຍການ​ທີ່​ເຮົາ​ຈະ​ເຊື່ອ​ ຫຼື ​ຢຶດ​ຖື​ປະຕິບັດ​ຕາມ​ເພື່ອ​ຄວາມ​ສະບາຍ​ໃຈ​ຂອງ​ການ​ໃຊ້​ຊີວິດ​ ແລະ​ ການ​ຢູ່​ອາໄສ​ກໍ​ບໍ່​ເລື່ອງ​ເສຍ​ຫາຍ​ຫຍັງ​

About info

Check Also

DisplayMate ພໍໃຈກັບ ຈໍ Samsung Galaxy S10 ເພາະຄຸນນະພາບລະດັບ A+

DisplayMate ຜູ້ວິເຄາະໜ້າຈໍຂອງອຸປະກອນອີເລັກໂທນິກຕາງໆ ລວມເຖງສະມາດໂຟນ ຊື່ງສະມາດໂຟນ Samsung ທຸກລຸ້ນໄດ້ຮັບຜົນການທົດສອບໃນລະດັບສູງມາໂດຍຕະຫຼອດ ແລະ ສຳຫຼັບ Galaxy S10 ກໍ່ໄດ້ຜົນທົດສອບໃນລະດັບສູງຫຼາຍ DisplayMate ໄດ້ລະບຸວ່າ ຈໍ Dynamic …

ຕອບກັບ

ເມວຂອງທ່ານຈະບໍ່ຖືກເຜີຍແຜ່ໃຫ້ໃຜຮູ້ ບ່ອນທີ່ຕ້ອງການແມ່ນຖືກຫມາຍໄວ້ *